odia poem on river, odia poem about river, how to write a odia poem, odia poem book, odia poem comments, odia poem for class 2, odia poem download, odia poem pdf download, odia poem song download, odia poem for magazine


ଦୂର ଦିଗ୍ ବଳୟେ ଅସ୍ତମିତ ରବି
ଧ୍ରୂମିୟ ଗୋଧୂଳି ଅଷ୍ଟମ ସ୍ବରେ
ଗାଏରେ ଗୋପାଳ ଧ୍ବନିତ ଛାଗଳ

ହୃଦୟେ ଅପୂର୍ବ ପୁଲକ ଭରେ ॥

କୋଳାହଳମୟ ସବୁ ବୃକ୍ଷରାଜି
ବନଉପବନେ ଗୁଞରେ ଧ୍ବନି
ଦୂଷିତ ରହିତ ବିହଙ୍ଗ ମହ୍ଲାରେ
କର୍ଣ୍ଣ ପାଏ ତୃପ୍ତି ସେ ଧ୍ବନି ଶୁଣି ॥

ଚଷାପୁଅ ପୁଣି ବାହୁଡେ ଘରକୁ
ସୁବର୍ଣ୍ଣ ଭଣ୍ଡାର କାନ୍ଧରେ ବୋହି
ବୁଝେନା ସଂସାର ମୂଲ ତା ସ୍ବେଦର
କଷଣ ଜାଣଇ ଏକାତା ମହୀ ॥

ଘର ଅଗଣାର ଚଉରା ମୂଳରେ
ବୃନ୍ଦାବତୀ ନାମେ ବାଜେରେ ଘଣ୍ଟ
କି ବଡ କି ଛୋଟ ସର୍ବେ ଏକତ୍ରିତ
ଶୁଣନ୍ତି ସଭିଏଁ ଶ୍ରୀଭାଗବତ ॥

ବଖାଣିଲି ଯାହା ପଲ୍ଳୀଦୃଶ୍ୟ ସବୁ
ହେଲାଣି ଅତୀତ ଧ୍ରୁମିତ ସ୍ମୃତି
ହୋଇଯିବ କାଳେ ସମୟ ପ୍ରଭାବେ
ଦୁର୍ବଳ ସ୍ମୃତି କୁ ଦୁର୍ବଳ ଦୃଷ୍ଟି ॥

ଆଜିର ସହର ମାୟା ସରୋବର
ପଦୁଅଁ ଆଶାରେ ପଙ୍କରେ ଲୋଟି
ସହରୀ ମଣିଷ ସୁଖ ଖୋଜିବୁଲେ
ବିତେରେ ଜୀବନ ଅର୍ଥ ସାଉଁଟି ॥

ଶାନ୍ତି ଖୋଜିବୁଲେ ସହରୀ ମଣିଷ
ବିତୁଛି ଜୀବନ ହରଷ ଦୁଃଖେ
ପଲ୍ଳୀବାସୀ ସର୍ବେ ହୁଅନ୍ତି ଭ୍ରମିତ
ଦୂରକୁ ସୁନ୍ଦର ପର୍ବତ ଦିଶେ ॥

ପଲ୍ଲୀଦୃଶ୍ୟ ଆଜି ସ୍ମୃତିର ପୃଷ୍ଠାରେ
ନୀତି ପରମ୍ପରା ଆଜି ବିସ୍ମୃତ
କସ୍ତୁରୀ ସନ୍ଧାନେ କସ୍ତୁରୀର ମୃଗ
ସମ ପଲ୍ଲୀବାସୀ ଭ୍ରମେ ଭ୍ରମିତ ॥

ସହରୀ ସଭ୍ୟତା ସ୍ପର୍ଶ ପାଇବାକୁ
ବ୍ୟାକୁଳ ସମସ୍ତ ପଲ୍ଲୀଜନ
ଦିନସେ ଆସିବ ଜଗତ ଝୁରିବ
ଫେରନ୍ତା କି ଥରେ ପଲ୍ଲୀ ଜୀବନ ॥

॥ ଜ୍ୟୋତିରଞନ ସାହୁ ॥