odia poem on river, odia poem about river, how to write a odia poem, odia poem book, odia poem comments, odia poem for class 2, odia poem download, odia poem pdf download, odia poem song download, odia poem for magazine

ଛେଦିତ ମସ୍ତକ ନିମ୍ନଗାମୀ ହୁଏ
ଉର୍ଦ୍ଧକୁ ଶରୀର ରକ୍ତେ ପ୍ଳାବିତ
ମହୀ ଝରଝର ଲୋହିତ ଜାହ୍ନବୀ
ସତେ ଧରାପୃଷ୍ଠେ ଅବତରିତ ॥

ବହୁ ପ୍ରତୀକ୍ଷାର ଅନ୍ତ ଘଟାଇ
ଜାହ୍ନବୀ ଆଜି ଉଗ୍ର ମୂଖା
ବ୍ୟାକୁଳ ସତେକି ଭସାଇ ନେବସେ
ପ୍ରମାଣ କରିବ ତା ପବିତ୍ରତା ॥

କେତେ ଗୃଧ୍ର କେତେ ମାର୍ଜାର ବ୍ୟାକୁଳ
ଲୋହିତ ଜଳରେ କରିବେ ସ୍ନାନ
ଉପଶମ ହେବ କ୍ଷୁଧା ତୃଷା ସବୁ
ସେହି ଆଶା ନେଇ ଧାବନ୍ତି ଶ୍ବାନ ॥

ଲୋହିତ ଜାହ୍ନବୀ ଭେଦ ନଜାଣଇ
କିଏ ଶ୍ବାନ କିଏ ଗୃଧ୍ର ମାର୍ଜାର
ହରିବାକୁ କ୍ଷୁଧା ତାରିବାକୁ ତୃଷ୍ଣା
ରହିଥାଏ ସିଏ ସଦା ତତ୍ପର ॥

ପବିତ୍ର ହେଉଛି ତା ପୂଣ୍ୟ ଜଳରେ
ଶାଳୁଆ ବଣର ତୃଷାର୍ତ୍ତ ଭୂମି
ସେହି ପୂଣ୍ୟ ଜଳୁ ଟୋପେ ପାଇବାକୁ
ଶାର୍ଦୁଳ ମାର୍ଜାର ଅଛନ୍ତି ଜମି ॥

ଲୋହିତ ଛିଟାରେ ଲିଭିବ ଭାବନ୍ତି
ପାପର ଅର୍ଜିତ କଳଙ୍କ ଛିଟା
ଲୋହିତ ଜାହ୍ନବୀ ଅଟ୍ଟହାସ୍ୟ କରି
ରକ୍ତେ ଧୋଇଦିଏ କଳଙ୍କ ଗାଥା ॥

ନୁହେଁ ହିମାଳୟ ହିମଖଣ୍ଡ ସମ
ଲୋହିତ ଜାହ୍ନବୀ ଅଟେ ଶୀତଳ
ଉଷ୍ମତା ଭରିଛି ଜଳରେ ଏହାର
ଶକ୍ତ ହୃଦୟକୁ କରେ ତରଳ ॥

କେତେଦିନ ଆଉ ଲୋହିତ ଜାହ୍ନବୀ
ମିଥ୍ୟାରେ ଲେଖିବ ଗାଥା ପୁଣ୍ୟର
କାହାକୁ କହିବ ପାଷାଣି ହୃଦୟ
ଜନନୀ ପାଷାଣ ଜୀବ ମହୀର ॥

ଲୋହିତ ଜାହ୍ନବୀ ଚତୁର୍ଦିଗେ ଆଜି
ଲହଡି ମାରଇ ଆଶ୍ଚର୍ଯ୍ୟ ଜ୍ବିହା
ଲାଳସାରେ ଅନ୍ଧ କିଶ୍ରେଷ୍ଠ କିମ୍ଳେଚ୍ଛ
ଉଦର କୁଣ୍ଡରେ କରନ୍ତି ସ୍ବାହା ॥

ଆର୍ଯ୍ୟମଣ୍ଡଳରେ କାୟା ବିସ୍ତାରୟୀ
ଲୋହିତ ଜାହ୍ନବୀ ବକ୍ଷେ ବିଲୀନ
ହୋଇଯିବ ଦିନେ ପାଷାଣି ଧରିତ୍ରୀ
ଅପେକ୍ଷା ତାହାର କେବେ ସେଦିନ !!!

॥ ଜ୍ୟୋତିରଞନ ସାହୁ ॥