odia poem on river, odia poem about river, how to write a odia poem, odia poem book, odia poem comments, odia poem for class 2, odia poem download, odia poem pdf download, odia poem song download, odia poem for magazine

ପରଦା ପଛର ନାୟକ ମୁଁ ଜଣେ 

ଏ ଦୁନିଆଁ ରଙ୍ଗମଞ୍ଚେ
ମୋର ନିର୍ଦେଶିତ ମୋ ନିଜ ନାଟକେ
ଅଭିନୟ ରଂଗ ବିଞ୍ଚେ ॥


ମୋ ନିଜ ନାଟକେ ମୁଁ ଯେ ଅଭିନେତା 
ଏକା ମୁଁ ଦର୍ଶକ ଜଣେ
ସମୀକ୍ଷକ ସାଜି ମୋ ନିଜ ବିବେକ 
ବସେ ରଙ୍ଗମଞ୍ଚ କୋଣେ ॥

କ୍ଷଣେ ହସି ପୁଣି କ୍ଷଣିକରେ କାନ୍ଦେ 
ଏହି ମୋ କାହାଣୀ ସାର
ନିଜେ ମୁଁ ଦର୍ଶକ ଉପଭୋଗ କରେ 
ନିଜ ଅଭିନୟ ମୋର ॥

ପ୍ରତିକ୍ଷଣେ ଚାଲେ କେତେ ଅଭିନୟ
ନିଜର ମୁଁ ପ୍ରତିଯୋଗୀ
ନିଜେ ସାଜି କରେ ମୁଁପ୍ରତି ଯୋଗିତା
ନିଜକୁ ମୁଁ ହରାଇବି ॥

ଏରଙ୍ଗମଞ୍ଚରେ ପ୍ରଦର୍ଶୀତ କରେ
ନିଜ ଅଭିନୟ ମୋର
ଗୋଟିଏ ରଜନୀ ନାଟକ ଏହା ମୋ
ପାଖେ ଦୁଃଖ, ସୁଖ ଦୂର ॥

ନାଟକ ସରିଲେ ଅଭିନୟ ମୋର
ରଙ୍ଗମଞ୍ଚୁ ଯିବ ସରି
ବିବେକ ହାତରେ ସମୀକ୍ଷା ହୋଇବ
ମୋଅଭି ନୟ ଚାତୁରୀ ॥

ସମୀକ୍ଷକ ସାଜି ବିବେକ କରିବ
ଅଭିନୟ ମୂଲ୍ୟାଙ୍କନ
ଯାହାକୁ ବୁଝିବା ପାଇଁକି ହୁଅଇ
ଲୋଡା ଅହଂ ଶୂନ୍ୟ ଜ୍ଞାନ ॥

ମୋ ନିଜ ଲିଖିତ କାହାଣୀର ପୃଷ୍ଠା 
ଚିରାହେବ କାଳ ହାତେ
ଆଉ ନହୋଇବ ପୁନଃ ପ୍ରଦର୍ଶୀତ
ନାଟକ ମୋ ରଙ୍ଗମଞ୍ଚେ ॥

॥ ଜ୍ୟୋତିରଞନ ସାହୁ ॥